Vegna mikillar aðsóknar verða tvær aukasýningar á VENTLASVÍNUM. 

frú Norma í samstarfi við Leikfélag Fljótsdalshéraðs og Leikfélag Seyðisfjarðar kynnir VENTLASVÍN - innsetningarleikverk í anda leikhúss fáránleikans.

föstudag 11. júlí kl. 20:00 og 22:00 - LOKASÝNING

ATHUGIÐ ALLRA SÍÐUSTU SÝNINGAR.

AÐEINS 21 ÁHORFANDI KEMST Á HVERJA SÝNINGU.

miðapantanir í síma 471-1166 / norma(hja)frunorma.is 

Heilir og sælir lesendur góðir

            Þá er starfsemi sumarsins komin á fullt. Við hjá Frú Normu höfum nú frumsýnt fyrsta verk sumarsins, Soffíu Mús á tímaflakki. Frumsýningin tókst svona líka glimrandi vel og fylltum við hana og höfum síðan sýnt 3 sýningar á Egilsstöðum, og verður sú 4 þar á morgun kl 16.

            En eins og margir vita þá er Soffía mús ekki aðeins á tímaflakki heldur flakkar hún um austurlandið þvert og endilangt. Og í dag átti hún sitt fyrsta formlega ferðalag.

            Í morgun var mætt í Sláturhúsið staðfastlega kl 09:05 og klárað að ferma Drekann, þ.e. ferðabílinn okkar, og svo haldið af stað á DJÚPAVOG. Á leiðinni þangað var bílstjórinn frekar utan við sig og minnstu mátti muna að við hefðum lent í Hallormsstaðaskóg, en ekki Hálsaskóg, þangað sem ferðinni var heitið. Einnig rákumst við á nokkuð mikið af sauðfé, sem vakti mikla athygli Geiblukindarinnar sem með var í för. En annars komumst við áfallalaust á áfangastað. Þá komum við í Hálsaskóg, þar sem sett hafði verið upp þetta líka fína leiksvið fyrir okkurog við hentum upp leikmyndinni og fengum inni hjá fjölskyldu sem býr þarna í skógarjaðrinum. Indælasta fólk.

            Sýningin gekk frábærlega, við fengum um 100 gesti og allir skemmtu sér konunglega. Eftir það fengum við ljúffengar veitingar og leiðsögn um skóginn, en hann hefur verið tekinn laglega í gegn. Við mælum eindregið með því að þið kikjið þangað.

            Eftir það kvöddum við og þökkuðum fyrir okkur. Á heimleiðinni rákumst við þó á nokkra strípalinga, sem hlupu um Öxi og busluðu í á við vegarkantinn. Góður endir á vel heppnaðri ferð.