3DM - dansleikhús

 

 

frú Norma - leikhús í samvinnu við Menningarmiðstöð Fljótsdalshéraðs og Vinnuskólann á Fljótsdalshéraði frumsýnir 3DM, dans/leikhús verk sem veltir sér upp úr fegurð starfseminnar sem áður fór fram í Sláturhúsinu - Menningarsetri.3DM er dansleikhúsverk unnið með hópi 13 - 16 ára unglinga úr vinnuskóla Fljótsdalshéraðs.

Í verkinu eru sjónarhorn fjögurra mismunandi listrænna stjórnenda á Sláturhúsið fléttuð saman í eina heild. Verkið er bundið saman af texta Jónasar Reynis Gunnarssonar, ungs skálds af Fljótsdalshéraði.Leikstjórn og hreyfiferli er í höndum Péturs Ármannssonar, Jóns Vigfússonar, Halldóru Malinar Pétursdóttur og Guðjóns Sigvaldasonar.Í verkinu er unnið með sögu og hlutverk Sláturhússins, sem í dag er nýtt undir töluvert aðra starfsemi en áður var, en í dag eru þar til húsa vegaHúsið, Menningarsetur ungs fólks, Sláturhúsið - Menningasetur og frú Norma - leikhús.

Leikarar í 3DM eru:Baldvin Orri Smárason, Egill Magnússon, Egill Örn Þórðarson, Hans Hektor Hannesson, Inga Lind Clausen Bjarnadóttir, Katla Einarsdóttir, Kristrún Anna Borgþórsdóttir, Lísa Mist Smáradóttir, Sandra Ester Jónsdóttir og Ýmir Steinn Árnason.

Sýningar verða þrjár:

Sunnudag 20. júlí klukkan 20:00 - Frumsýning

Þriðjudag 22. júlí klukkan 20:00

Fimmtudag 24.júlí klukkan 20:00 - LOKASÝNING

Miðapantanir í síma 471-1166 og [e-mail]

VENTLASVÍN - AUKASÝNINGAR!

 

 

 

 

 

 

 

 

 

 

Vegna mikillar aðsóknar verða tvær aukasýningar á VENTLASVÍNUM. 

frú Norma í samstarfi við Leikfélag Fljótsdalshéraðs og Leikfélag Seyðisfjarðar kynnir VENTLASVÍN - innsetningarleikverk í anda leikhúss fáránleikans.

föstudag 11. júlí kl. 20:00 og 22:00 - LOKASÝNING

 

ATHUGIÐ ALLRA SÍÐUSTU SÝNINGAR.

AÐEINS 21 ÁHORFANDI KEMST Á HVERJA SÝNINGU.

miðapantanir í síma 471-1166 / norma(hja)frunorma.is